كلنا مراقبون يا برنس أتاكد من هنا

عايز تتأكد انك مراقب وحياتك كلها مراقبه من اعدائنا ..... اليك الاثبات بالدليل 1- ادخل علي اللينك ده https://www.google.com/maps/timeline وده مسجل عليه تحركاتك باليوم والدقيقة. اختار التاريخ ال تحبه من يوم الى 7 سنين فاتوا، وهيقولك انت كنت فين واتحركت امتى وروحت فين، غير انه مسجل عليه جميع الأماكن ال زورتها وأكتر مكان بتحبه، 2- بعد ماتشتري موبيل جديد بـ 3 أيام، لو بتستخدم "بطاقات جوجل" هتلاقيه من نفسه بيقولك "27 دقيقة للوصول للمنزل" وبعد أسبوع هيقولك "34 دقيقة للوصول للعمل"! جوجل عرف بيتك ومكان عملك، ويمكن أبوك نفسه ميعرفش. 3- لما تنزل تطبيق جديد علي الاندرويد بيطلب منك الموافقة علي الاذونات الخاصة بالتطبيق notifications زي ان التطبيق هيستخدم سجل الهاتف او الكاميرا وخلافه، فيه تطبيقات كتير ممكن تعمل اختراق لجهاز والحصول علي المعلومات الـ عليه، لكن التطبيقات الكبيرة بتكون مصدر ثقة ومش بنبص علي الأذونات بنعمل موافق علي طول، ومن ضمن الأشياء الحاجات الغربية ان ‫#‏الفيسبوك‬ بيطلب اذن للوصول الي الميكروفون! ولما ناس كتبوا وشككوا أن الفيسبوك تنتهك الخصوصية وبتتجسس علي المستخدمين، فيسبوك طلعت بيان تنفي فيه وقالت أن الميكروفون بستخدم اثناء المكالمات الصوتية وملوش علاقة بالتجسس، ولكن بعد فصل تطبيق الماسينجر الخاص بالفيسبوك عن التطبيق الأصلي ظل اذن الوصول للميكروفون مطلوب لاستخدام تطبيق الفيسبوك! ولم تعلق الفيسبوك بعدها عن الموضوع. شركة فيسبوك اشتري تطبيق واتساب بمبلغ 19 مليار دولار!!؟ يعني أكتر من الاحتياطي النقدي للبنك المركزي المصري، بالرغم ان التطبيق لا يبيع الاعلانات ومستواه الربحي مقارنة بالفيسبوك لا يساوي شيئ الا انه يعتبر كنز كامل لمعلومات المشتركين عليه وعددهم 450 مليون شخص. الناس الـ لسه عايشة في نظرية المؤامرة، وفي شغل التجسس من نوع "خالتي بتسلم عليك"، لازم تعرفوا إن الوضع حاليا اتغير تماماً في أسلوب المراقبة والتجسس، وعقلية الخمسينات خلصت وأسلوب رأفت الهجان انتهي. دي شوية معلومات ع الماشي علشان تعرف أد ايه انك مخترق ومعلومات الدول أو الأشخاص أصبحت أسهل في الحصول عليها من أي وقت، ولو الدول الغربية ناوية تتجسس عليك مش محتاجة مجهود ا*** انا دخلت عليه ووجدت تحركاتى مسجلة فعلا بتورايخ سليمه فعلا بحكم انى بستخدم جوجل ماب من 2011 وكمان كنت بستخدم google earth من أكتر من 12 سنة فارق كبير جدا فى العلم بيننا وبين من سبقونا بعشرات السنين .